ANG MASKARA

sayo sa buntag ako gipaningot ug naglagot
sa tawong dili ko kasabot ug makapungot
kay wa ko magdahom sa iyang pagkabakakon,
salig kay dili masirohan, ako gisayon-sayon

ang kagubot luyo sa iyang kasadya
ang kagool luyo sa iyang pagmaya
sama sa kahugaw sa iyang kinaiya
nga gihulipan sa maanyag niyang maskara

sa tanan siya ang gikagustuhan
sa iyang ka anyag makalingi jud ang tanan
pero dunay butang nga wala ninyo mahibaw-an
mao kani ang pagkatipaka-aron ingnon sa kanahan

para nila siya matinud-anon ug buotan,
pero para nako, susmaryusip pastilan
dili ko na lang diri ipangsaysay ang tanan
basta kay nakasaksi ko sa kamatooran.

Kung kamo suod niyang higala,
igsoon, ig-agaw o kapamilya,
susiha ug pagatun-i ninyo kaning bayhana
kay murag dili na siya mabangbang ug nigrabe na.

Sa iyang kaalam, hmm nibilib ko
pero sa iyang ka maru, ako na dehado
mga butang nga dili ta makatoong mabuhat niya
pero wow, amazing! para niya pwerte rang sayona

Ang Gugma Ko Kanimo Labaw
By Genamos_US of Washington DC, USA

Panahon kadto sa tinglagas
Mga dahon sa sanga nanglagas
Ang hangin miabot mabugnaw
Uban sa mga panganod nga siaw

Makita ang mangiob nga kalangitan
Ang mamingaw nga mga kakahuyan
Ang nagpasad ang mga dahong laya
Nga gihabulan ang tabonon na yuta

Gilantaw ko ang mga panganod
Ibabaw sa mga kakahuyan gianod
Gibati ko ang panahon sa kabugnaw
Ang dughan ko napuno sa kamingaw

Matud mo ang gugma ta moluntad
Sa umaabot nga katuigan gihalad
Kung ngano ikaw sa kalit nahanaw
Ning kasingkasing ko kanimo giuhaw

Asa naman ako paingon dinhi karon?
Na ang kalibutan ko dili na mabulokon
Abi ko, imo akong ubanan sa hangtod
Ang gugma ko kanimo ug ikaw nasayod

Ang mga saad sa mga managhigugmaay

Ang Dagan Sa Akong Kahaponon
By Genamos_US of Washington DC, USA

Pagkahanap sa langit ning kahaponon
Nga naputos sa yamog ang talan-awon
Hamoghamog na ulan ang mitaliwan
Ang mamingaw na palibot natilawan

Nabasa ang yuta sa naghilak nga langit
Gibiyaan sa adlaw nga wala siya gisampit
Mga dahon na ngapagba sa iyang punoan
Gitayhop sa hangin nga gikan sa amihan

Malaay na kahaponon ang miabot
Ang mabugnawng kagabhion taliabot
Ang kilomkilom dili na gayud magdugay
Ug ang akong panihapon ako nang giaray

Gilantaw ko pag-usab ang gawas
Mangiob na kalangitan gidimalas
Apan ang mga tanaman naghudyaka
Kay nabusog sa uwan kung nakita

Nagpaingon nga gayud ang panon sa kangitngit
Milupad ang akong hunahuna sama gidagit
Gipadpad ngadto sa lapyahan sa kagahapon

Ang Akong Kinabuhi
(Ang estorya sa akong higala Bro. Mario Baladjay)
By Genamos_US of Washington DC, USA

Gibalik ko sa pagtan-aw  ang panahon
Ang yugto sa akong kinabuhi  isugilon
Napuno sa mga pagsulay ug kalisdanan
Ang naagian kung suliran nahiagoman

Niadtong lugar nga akong namat-an
Halayo sa siyudad ug sa kalamboan
Nagdako nga simple ug may pangandoy
Sa kinabuhi ug pamilya ako kining iasoy

Ang baryohanon kung kinabuhi napuno sa sugilanon
Mga prutas, utanon, manok ug isda among kalan-on
Ang malab-as na hangin sa among baryo gituboan
Ang malinawon nga palibot dili gayud hitopngan

Madaghang higayon nga akong nasugatan
Mga kalisdanan miabot  sama sa hangin amihan
Gihagwa sa sakit na gidala sukad sa akong kabataan
Kung sa uban pa wala na gayud kunoy kasulbaran

Isa ka babae duha na iyang anak....
Pero tungod sa biga sya nag sabak...
Dili niya madawat kay sya isa sya ka minor ang eded.
Mao iyang na desisyonan ipakuha ang iyang gi sabak..
Kani mao iyang gibuhat giinom ug tambal ug gipaslak sa iyang bilahan
Aron lang intawon makuha ang batang walay malay sa iyang sabakan.
Kani labaw pa sa adik o kriminal iyang gibuhat.
Mismo iyang kaugalingong anak mahimo niyang ipalaglag.
Bahala sya ra ang mag pustora limpyo pero iyang duha ka anak
Pinasagdan lang nag ka bulingot.
Mailad niya ang mga mata sa tawo pero iyang kalag nag kayo na sa IMPYERNO...Iyang Gibuhat taga adlaw mao ra ang pagmadyong,panghimantay pero iyang kaugalingon wala sya kabantay...
Kaloo-y sa mga batang wala intawon katilaw sa pagmahal sa iyang nanay.
Kay kini usa man ka ambisyosang pagka NANAY...
 

Kay dili man ko GWAPA dili sad ko CUTE. Naa lang gud koy SPECIAL WEAPON. :D .
 
Bahala akong panty buslot-buslot bsta akong gugma nimu dli sad buslot! ahw :D
 
Diha nagsugod iyang gugma kanako katong nepaheyum ko ka niyah. ;))
 

Panalanginan Kita Sa Dios
By Genamos_US of Washington DC, USA

Nagaampo kita nga panalaginan
Nagaampo sa kalinaw sa kalibutan
Ang kaayohan sa atong mga pamilya
Panalipdan unta sa matag disgrasya

Nagampo kita sa tanang mga kaayo
Unta makamao usab kita mopasylo
Sa nakasakit kanato ning kinabuhi
Na ang pagpanimaws  dili unta ipili

Nag-ampo kami sa kalinaw ug kahusayan
Gitugyan namo sa Imong kamot ang tanan
Ang mga kasakit ug pagsuway na hilabihan
Ang Imong gugma kanamo walay kausaban

Sa among mga sala Ikaw among gipasipad-an
Imo kaming gipasaylo ug ang tibook kalibutan
Gidungog nimo ang among mga pag-ampo
Gihatag Nimo kon unsay makaayo kanamo

Usahay kami Kanimo nagduhaduha
Labi na gihagit sa mga pagsulay gidala
Sa Imong kamaayo ug tim-os na gugma

By Maanyag of Taipei City, Taiwan
 
Dili gayud nato matupngan,
Ang kalipay sa usa ka inahan,
Sa dihang iyang masayran,
May gatubo sulod sa iyahang tiyan.
 
Ang kalipay walay susama,
Dili ikabaylo bisan pa og kuwarta,
Kay ang pagbaton og anak,
Pinakadakong regalong madawat,
 
Matag kisikisi sa gamayng anghel,
Mga sikad sa gagmay niyang mga tiil,
Mga kuhit sa pikdot niyang mga kamot,
Kalipay sa inahan ang iyang matag lihok.
 
Daw magtighagwa ang bata sa sulod,
Sa gasabak kaniya gustong magtigunot-unot,
Tumang kasadya og kahinam ang mabati,

 
Tinahod kong Mr. Litogo ug Mr. Jose,
 
Maayong adlaw kaninyo mga higala!
 
Dako kong garbo nga nahimamat kamo bisan pinaagi lamang niining balayang Binisaya.com. Tinuod nga ubay-ubay na ang akong nakat-onan gikan sa inyong makinaadmanong pagbinayloay og mga kaalam ug panghunahuna mahitungod sa pinulongang Binisaya. Tungod niini, mas ilabihan akong nadasig ug naikag nga tun-an ug palamboon ang akong kaalam niining atong lumad nga pinulongan.
 
Dili nato ikalimod nga daghan sa atong mga kaigsoonang Bisaya ang walay igong katakos kun kahigayonan nga duawon kining atong balayan hilabi na sa mga lagyong dapit nga wala nauso ang gitawag ug internet. Sayod ko nga nagkahiusa kita sa pagtoo nga kining kaalam nga atong gisaw-an niining higayona angayan lamang nga atong ipaambit ngadto sa atong mga kaigsoonan bisan diin man niining kalibotana hilabi na sa mga kabatan-onan sa Kabisay-an ug sa Mindanao.

Pagbuot Sa Kapalaran Siya Mapildi
By Genamos_US of Washington DC, USA

Walay nagdahom sa nahitabo sa niaging adlaw
Ang duwa sa boksing daghan gayud ang napalaw
Duha ka mga maayong boksidor nagduwa
Ang arena napuno sa mga hugyaw ug hudyaka
 
Usa ka bantogan nga Pilipino batok sa Meksikano
Duha ka mga bagani walay kahadlok maintimano
Kung kinsa kanila ang masipyat sa ilang lihok
Makapanakla ang pangag ug dili makapamilok

Dili kini ang una nilang panagtagbo sa ring
Kon dili sa ika upat na kahigayon nakaboksing
Daghan naghinamhinam sa ilang sinumbagay
Mga bino ang gitagay pun-an pa sa pinustaay

Maayo ang sinukliay sa mga kinablit nilang kumo
Kay mao man kini ang misyon sa boskidor gisugo
Ang matag palibot napuno sa mga singgit ug tingog
Matag dumadapig nadasig sa kumo na makabungog