No. 16 ‘wanted person’ sa Caraga nadakpan

Sinulat ni Arjay S. Felicilda, Caraga Region

 Gen Felix :  lutuson ang nabilin nga mga ‘rebelde’

 Higanting bu-aya nalit-agan

Sinulat ni Arjay S. Felicilda, Caraga Regional Bureau Chief

Sa matag silang sa adlaw sa silangan
Sa paglubog sa adlaw sa kasadpan
Kinsa may nasayod sa lakaw sa panahon
Usama sa huna2x may pagusob

Kahadlok, kahingawa sa mga umalabot
Tulog nga natugaw
Ang dughan nga nahadlok og naghingawa
sa unsay matabo
 
kahdlok usahay  palandugon
tawo ikaw ug sa umalabot panason
sakit nga modapni,sa lawas nga maligon
wala koy mahimo,si Jesus and pagabuton

Diin ka man sa pag-panglarag sa mga balili

Gihanduraw ko ikaw matag adlaw ug gabei

Buot kong isugid kanimo ang bidlisiw sa kabuntagon

Ug paghanggab sa iyang kaalimyon.

Apan dihang gibakyaw ko ang akong pagtuaw

Sa mangitngit ug gabeing mabugnaw

Kahingawa maoy bugtong kung gihambin

Sa kasingkasing ikaw ray makaalim.

Ang hinoyohoy sa mapintas nga pagsulay

Buot mopakgang sa gugma tang tiunay

Kaligdong ug pagsalig maoy bugtong hinagiban

Tungod kay ang tiunay tang gugma maoy gitipigan.

Daw dugos katam-is ang kadaugan

Kung pag-ampo maoy atong puhonan

Tungod kay ang tanang butang mahimong maanyag

Kung sa saktong panahon sa Dios kanato igatanyag.

Kay sa pagpanglarag sa mga balili

Ug pagkisdom sa kaputli niini

Magmaya gihapon ang atong pagbati

Sa pagsubing sa mga balili.

Nahinumdom Ka Pa Ba Sa Kaniadto
By Genamos_US of Washington DC, USA

Nahinumdom ka pa ba sa kaniadto
Sa atong unang panagtagbo didto
Ang ngabil ko sa una nga nagkurog
Nahadlok ko isulti ang akong kaibog

Gusto ko untang litokon ang mga pulong
Na gihigugma ko ikaw dili mo ikahibulong
Ikaw ang langit nga nabukas ning dughan
Mga mata ko milupad sa kalipay hilabihan

Nahinumdom pa ako sa mga tagak sa luha
Kasingkasing ko nga nagmaya naglumba
Pagbati ko dili matukib ang tumang kasaba
Ilawom ni kasingkasing ikaw ang himaya

Walay pagkalawos ang gugma kung gitapigan
Ang imahe mo nakaimprinta sama sa larawan
Wala ako malimot sa mga saad tang gibalon
Ang pagbati ko kanimo dalisay ug sulondon

Nahinumdom ka pa ba sa dakong baybayon
Nga Ikaw gihabulan sa akong mga bukton

Pagkalaay Nga Adlaw
By Genamos_US of Washington DC, USA

Paglaay ning sayong kabuntagon
Ang adlaw migawas madasigon
Apan ang dughan ko masulob-on
Sa mga panghitabo ako naulipon

Nahasubo ako sa miaging adlaw
Sa wala magsinabtanay miduaw
Ang panimalay madasigon nahilaw
Sa kaguliyang ako nakapanghupaw

Ang kanhing kagabhion malipayon
Mga katawa ug pahiyom pagkasayon
Ang suliran nga mohapit badlongon
Sa gugma ug pasinsiya pagkatagbuon

Nangandoy ako mahibalik ang kalinaw
Sa matag usa ka dughan pagbati mosumaw
Mga kalisdanan na hinginlan sa kinabuhi
Aron ang kasingkasing dili magkapuliki

Ang matag gutling sa panahon dili usikan
Kay ang kinabuhi hamobo dili talikdan
Sa mga gagmayng kakulian dili masabtan
Ipatigbabaw ang gugma gikan sa kahitas-an  

Ang Nagsalimoang Nga Pagduda
By Genamos_US of Washington DC, USA

Nipahulay nga ang kagabhion
Nahuman nga ko’g panihapon
Nabuhat ko na ang ginbuhaton
Sa kusina ug lababo na hugasonon

Misulod ako sa akong lawak
Mipahulay sa kakapoy nasugamak
Giablihan ko ang balak kung sinulat
Aron lantawon ang blog kon pila’y naglurat

Sama sa naandan ang kakapoy gipulihan
Sa mga sinulat kung balak ako maulian
Mga katawhan sa kahanginan motan-aw
Sa mga pabuhagay sa balak sila mopasiaw

Kadaghanan kanila wala sila magpaila
Sa mga tinagik kung balak sila nadala
Wala akoy law-ay nga gibuhat kanila
Mga balak kung sinulat puro hunahuna ra

Nalingaw ako na aduna diay uban ang nagduda
Kon tinood ba ang nahisulat o tumotumo ra
Sa nagsulat sa balak kini ilang gipangutana

Sa Pagtimaan Sa Nakamata Nga Idlas Na Demokrasya
By Genamos_US of Washington DC, USA

Murag pilahay lang katuig ang milabay
Sa usa panghitabo ang kalibutan naukay
Ang kamatayon sa nipanaw nga bayani
Ang nasud mibarog ug nakahiusa gidani

Lab-as pa sa akong panumduman kaniadto
Nga nagtungha pa ko sa pribadong kolehiyo
Mamingaw nga adlaw ang misugat sa radyo
Nga gibuno sa tugpahanan si Benigno Aquino

Ang nasud pilipinhon sama nga namatyan
Sa usa ka tinahod ug pinalangga nga amahan
Siya nakigbisog sa rehimin nga mangilupigon
Sa mga kabus ug timawa nga mga pilipinhon

Ang iyang mithi ug dalaygon buhat magpabilin
Sa matag kasingkasing natong tanan mihalin
Ang iyang hangyo nga adunay dakong reporma
Sa pamaagi sa gobyerno nga kita magkahiusa

Rebolusyon ang singgit sa walhon nga grupo

Asa Kutob Kining Tanan Tang Gilaum?
By Genamos_US of Washington DC, USA

Matag yugto niining kalibutan
Ang kinabuhi adunay kataposan
Moduaw ang hangin sa kausaban
Matag lingi sa kinabuhi mouban

Sama sa kaanyag sa bulak na rosas
Ang kahumot murag dili mohupas
Muabot ang pagkalaya ug pagkalarag
Sama sa damgo nga nagkatigulaag

Ang mga saad nga naabtan sa kalimot
Nangapanas ug mihupas ang kahomot
Matag ginhawa naglatay na gipaabot
Ang kasingkasing naglaum nahimoot

Adunay mobalik ug adunay molakaw
Mga kausaban sa usa’g usa gilantaw
Unsa kahay dangatan sa atong gugma
Kon tayhopon sa pagsuway modular ba

Basin susama sa usa ka awit gipaambit
Hamobo inig huyatid sa nasoko na langit
Ang mga dag-um nga nagtapok moulan
Kay ang bidlisiw sa adlaw gihabulan