Ang Kahayag Mihabol Sa Kangitngit
By Genamos_US of Washington DC, USA

Sa pagmata ning sayong kabuntagon
Uban sa gipukaw nga paglaum gihaon
Miduaw ang kalaay ug kahaw-ang
Sa dili masabot nga kahimtang

Gugmang nawala,  gugmang bililhon
Gilunopan ang dughan kung masakiton
Wala ko masabti nganong nahitabo man kini
Kon may nalitok ba akong dautan nga gisulti?

Milakaw ikaw nga wala magpahibalo
Gitaligdan ang mga gilaraw nga damgo
Gisubay ang matag lihok ning dughan
Kon unsay sinugdanan niining tanan

Mitulo ang mga luha sa pagmahay
Kon mabalik ko kadtong mga kanhiay
Duha ka kasingkasing ang milahotay
Nga ang Diyos kabahin sa paghinigugmaay

Mga katawa ug kalipay ang mihupay
Ang miabot kanunay sa panimalay
Ang kahasol sa kinabuhi susama sa baha

Hain Ka Man Karon Nga Akong Gipaabot?
By Genamous_US of Washington DC, USA

Madaghan nga mga oras ang milabay
Naglantaw sa mga panganod nagbaklay
Sa ibabaw ning bungtod kung gipuy-an
Misiaw ang hangin nga akong gikauban

Samtang ako naghigda sa mabugnawng balili
Ang panagway sa langit daw ako gidani
Pagkaanindot sa pughawng aping sa langit
Ang kalinaw sa kinabuhi nga ako gisampit

Mga hunahuna naglatagaw daw walay tumong
Ang kalipay nga gawasnon ang mihunghong
Misulod sa akong hunahuna kining pangutana
Nga aduna ba’y naghulat kanako nga gugma?

Nangadoy nga adunay nagpaabot kanako
Naglaum sa gitapigan kung gugmang dako
Ikaw nga ba gayud ang akong gipaabot
Nga ang kasingkasing ko nga nahimoot

Gitulod ko ang hunahuna sa ugma damlag
Kun asa ug kanus-a ko ikaw mahikapaglag

Magdadagan Nga Limbongan
By Genamos_US of Washington DC, USA

Adunay usa ka magdadagan sa Inglatera
Ang iyang kadaugan naputos sa kontrabersiya
Sa maraton nga iyang giapilan medalya nadisgrasya
Kay midaug sa ikatulong ganti nga siya nakonsinsiya

Daghan ang misalmot sa maong indigay
Kay sa dakong ang premyo nga gitagay
Ang uban midagan tungod sa pagpaugnat sa kusog
Walay gipinig ang tanan giaghat  aron pagpabaskog

Sa gilay-on ang mga ilong molisngag mogawas
Gikinahanglan nga sila modagan og 26.2 milyas
Dili sayon ang maraton sa maong gilay-on
Ang kabaskog sa hunahuna ug lawas tukion
 
Ang tanan naningkamot nga makaabot
Didto sa “finish line” nga puro nahimoot
Mga singot ug kakapoy ang nanag-abot
Ang uban kanila gibikugan nga naglagot

Apan may usa ka tikasan nga magdadagan

Gisigingsiging Nga Kinabuhi
By Genamos_US of Washington DC, USA

Adunay mga higayon sa atong kinabuhi
Mga pangutang moduaw perming masubli
Mobalikbalik sa hunahuna nangita og tubag
Sa mga pangagpas kita matapigas mahibulag

Pamasin ang atong pagtuo maoy insakto
Apan diay sukwahi sa atong mga damgo
Taliwala ning mga kaguliyang sa hunahuna
Ang kinabuhi magpadayon sa pagpakabana

Matag kalisdanan ug pagsulay mohapit
Kaisog ug pag-ampo ang atong isampit
Wala’y laing sangkap ang nahabilin pilion
Ang pakigharong sa suliran ang bililhon

Andam ug ikmat kita nga mobarog
Sa kapalaran sulayan ang atong kaisog
Magmatngon kita sa mga adlawng muabot
Sa mga panulay mahalikay ug sa mga kadaot

Buhaton ang tanan aron kita magmadaugon
Sa gisagubang nga suliran na kita naulipon

 Unsay bili ani’ng kinabuhi-a
kung lawasnu’ng kalipay
ra ang mupatigbabaw,
Unya ineg abot sa tunga-tunga

Ang Huyohoy Sa Ting-Init
By Genamos_US of Washington DC, USA

Naglagiting ang haring adlaw
Sa sobrang kainit mihungaw
Mga singngot nagtabisay
Sa bugnaw nangindahay

Ang matin-aw nga kalangitan
Lunhaw ang mga kabukiran
Mga alibangbang ug alindahaw
Malipayon sa hardin nagasayaw

Mga Pista ug mga pangilin
Mga kombera ang igahin
Kasaulogan  sa mga Patron
Pagpasalamat sa maayong panahon

Suroysuroy sa mga kalungsoran
Ang pagbisita sa mga kahigalaan
Mga nindot nga kabaybayonan
Daling suroyan sa mga katawhan

Timpo sa pagpalupad og tabanog
Mga bata magkontesay sa hambog
Buwan sa Marso hangtud Hulyo
Kusog ang hangin na dili ikabaylo

Mingawon ako sa kaniadto
Binignit ug linosak ang paniudto
Sa kabusog daling makadiskanso

 Acccording to Philippine language scholars, it is "Sebuano" and not the commonly used "Cebuano" that should have been used to refer to the language spoken and "Cebuano" for the speakers of the language. But who are these Philippine linguists? I am really having a hard time looking for them through the net.
...ohh come on...who can help me with this thing..please....heeh

Sa Kanhing Katapusan Nga Pulong
By Genamos_US of Washington DC, USA

Oh Inday, dugay nga kita wala magkita
Ning dughan ko ikaw kanunayng gipangita
Angay mong ikalipay nga ikaw ra ang tag-iya
Ning kasingkasing ko nga kanimo ra gitagana

Pipila ka mga tuig ang mihuros milabay
Ang pagbati ko kanimo kanunayng tiunay
Sukad sa imong pagbiya ning akong kiliran
Nakat-on ako sa pagkatawa ug ikaw gikalimtan

Gibuntog ko ang mga adlaw ug ang kagabhion
Sa kamingaw ug kahidlaw nga akong bation
Ingon nila ang kanhing hinigugma maayong higala
Apan wala ko damha mitadlas ang mga dalan ta

Nagkaabot ang atong mga mata puno sa kahinaman
Daw mibalik ang kanhing kagahapon nga natilawan
Ang kasingkasing ko nga murag gisugnuran sa kainit
Sa kadasig nga dili ko matukib ang gugmang nanguhit

 Mga minahan sa Claver normal na

 Breaking News