MEDIA, MAHITUNGDANON SA PROGRAMA SA POPULASYON
By Arjay S. Felicilda

DAGHANG mga programa sa gobyerno ug pribadong sector ang lisod kaayong mo-abot sa ilang gustong padulngan tungod sa daghang mga hinungdan.
Tipik niana ang kapakyas sa natungdang mga ahensiya sa pakigrelasyon uban sa media, sama sa radyo ug mantalaan.
Ang uban kanila ayha lamang modool sa media, kung dunay panginahanglan, ilabi na kung sila mag-atubang na og mga batikos o mga pagsaway sa katilingban.
Luyo niini nga kahimtang, gitukod karong bag-o sa Commission on Population (POPCOM) Region 10 ang Population and Development Press Corps for Northern Mindanao (PopDevPC Normin) linangkoban sa aktibong ginsakpan sa mga taga-radyo, telebisyon ug mantalaan.
Nag-unang tumong sa katukoran sa (PopDevPC Normin) ang pagpalapad sa mga programang pangpopulasyon ug pangkalamboan, ilabi na ang natural family planning (NFP) nga hini-usang gipatuman sa gobyerno ug sa Romano Katolikong Simbahan,
Napiling opisyal sa POPDEVPC Normin sila si Ardison “Papa Adie” Arsua sa RGMA Campus Radio, president; Walter Balane sa Central Mindanao Newswatch, executive vice president; Arjay S. Felicilda sa MindaNow Forum, vice president for Cagayan de Oro City; Jejel Gorilao sa Provincial Press Office, vice president for Misamis Oriental; Eric Cacay sa MBC-Love Radio Malaybalay City, vice president for Bukidnon; Annabelle D. Florendo sa Bukidnon Daily News, secretary; |Delia N. Lapar sa Catholic Radio Network DXDB Malaybalay City, treasurer; ug Jovie T. Yohoy sa UMBN-Radyo Ukay Valencia City, auditor.
Mga director sila si Terry Betonio sa Golden Chronicle, Raul Moldez sa Cagayan de Oro City Council Press Office, Joel Escol sa Real Review Newspaper, Teogenes “Dondon” Yrat Jr. sa RPC-DXCO Opol, Jo Anna Cabigas sa RMN-DXMB Malaybalay City, Maxie Cadavez sa MBC-Radyo Natin Manolo Fortich ug Maribel Terez del Campo sa Radyo Abante Valencia City.
Ang ubang mga sakop mao sila si Dante Sudaria sa Mindanao Gold Star Daily, Jun del Puerto Felicilda sa Real Review Newspaper, Bing Jacinto sa DXIF Bombo Radyo ug Jay Valleser sa Mindanao Gold Star Daily.
Mga magtatambag sila si POPCOM 10 Director Pyscle P. Paler, Training Manager Joe del Puerto Felicilda ug Ms. Alma Valleser sa Valleser Communication Consultancy.
Sila gitakdang manumpa sa hinapos ning bulana atubangan ni POPCOM Executive Director Tomas Osias, atol sa regional directors conference nga ipahigayon dinhi sa Cagayan de Oro.
Nagtoo si Paler nga molapad og maayo ang kampanya sa NFP ug ubang mga programa sa populasyon dinhing bahina sa nasod dungan sa katukoran sa POPDEVPC Normin. (Arjay S. Felicilda)